Poolarangadu song shooting ............

కమేడియన్ సునీల్ హీరోగా నటిస్తున్న 'పూలరంగడు' చిత్రం మొదట ప్రకటించినట్టుగా సంక్రాంతికి విడుదల కావడం లేదంటూ ఇటీవల మీడియాలో వస్తున్న వార్తలకు చిత్ర నిర్మాతలు ఫుల్ స్టాప్ పెట్టే ప్రయత్నం చేస్తున్నారు. ఈ సినిమా షూటింగుకు సంబంధించి కేవలం మూడు పాటల చిత్రీకరణ మాత్రమే మిగిలివుందని నిర్మాత అచ్చిరెడ్డి చెప్పారు. చిత్రాన్ని సంక్రాంతికే రిలీజ్ చేస్తున్నామని తెలిపారు. 'అహ నా పెళ్ళంట' చిత్రాన్ని డైరెక్ట్ చేసిన వీరభద్రం చౌదరి దర్శకత్వంలో రూపొందుతున్న ఈ చిత్రం పాటల చిత్రీకరణ ప్రస్తుతం జరుగుతోందని అచ్చిరెడ్డి చెప్పారు. మరోపక్క పోస్ట్ ప్రొడక్షన్ కూడా జరుగుతోందన్నారు. 450 థియేటర్లలో జనవరి 14 న ప్రపంచవ్యాప్తంగా దీనిని రిలీజ్ చేస్తున్నామన్నారు. ఈ 'పూలరంగడు' సినిమాలో సునీల్ కొత్త యాంగిల్ లో కనిపిస్తారని దర్శకుడు చెప్పారు. ఇందులో సునీల్, ఇషా చావ్లా జంటగా నటిస్తున్నారు. ఈ చిత్రానికి అనూప్ రూబెన్స్ సంగీతం అందిస్తున్నాడు.