ఇటీవలి కాలంలో మంచి హిట్ సినిమాగా నిలిచిన మహేష్ బాబు 'దూకుడు' మరో
రికార్డును సొంతం చేసుకుంది. గూగుల్ లో ఈ ఏడాది మోస్ట్ సెర్చేడ్ ఇండియన్
టాప్ టెన్ సినిమాలలో ఒకటిగా రికార్డు కొట్టింది. దేశం మొత్తం మీద
'దూకుడు'కి తొమ్మిదో ర్యాంకు వచ్చింది. తొలి ర్యాంకును సల్మాన్ ఖాన్
నటించిన 'బాడీగార్డ్' సినిమా సొంతం చేసుకుంది. షారుఖ్ నటించిన 'రా. వన్'
చిత్రం రెండో ర్యాంకును, తమిళ చిత్రం 'గ్యాంబ్లర్' (అజిత్ హీరో) ఏడో
స్థానాన్ని దక్కించుకున్నాయి. అలాగే వ్యక్తుల విషయానికి వస్తే అత్యధికంగా
సెర్చ్ అయిన భారతీయ వ్యక్తిగా బాలీవుడ్ కథానాయిక కత్రినాకైఫ్ పేరు నెంబర్
వన్ స్థానాన్ని కైవసం చేసుకుంది. ఈ ఏడాది ఏ ఏ అంశాలలో నెటిజన్లు ఎక్కువగా
సెర్చ్ చేశారన్న విషయంపై గూగుల్ ఈ వివరాలను విడుదల చేసింది.
No comments:
Post a Comment