business man movie prints "1100".......

'దూకుడు' తర్వాత వస్తున్న మహేష్ బాబు 'బిజినెస్ మేన్' సినిమాను భారీ ఎత్తున రిలీజ్ చేసి, ఓపెనింగ్ కలెక్షన్లలో మరో రికార్డు క్రియేట్ చేయాలని చిత్ర నిర్మాతలు ప్లాన్ చేస్తున్నారు. వచ్చే నెల 11 న ప్రపంచవ్యాప్తంగా ఈ చిత్రాన్ని సుమారు 1100 ప్రింట్లతో విడుదల చేస్తున్నట్టు తెలుస్తోంది. ఒక్క హైదరాబాదు నగరంలోనే వంద స్క్రీన్స్ పై దీనిని రిలీజ్ చేస్తారట. ఇప్పటికే ఈ సినిమా ప్రమోషన్ కు సంబంధించిన టీవీ ప్రోమోలను విడుదల చేసిన సంగతి మనకు తెలిసిందే.
      గురువారం 'రాజన్న' చిత్రం విడుదల సందర్భంగా థియేటర్ ట్రైలర్స్ ను కూడా విడుదల చేస్తున్నారు. తెలుగుతో బాటు తమిళ, మలయాళ భాషల్లో కూడా ఈ చిత్రాన్ని ఒకేసారి రిలీజ్ చేస్తున్నారు. ఇందుకు సంబంధించి ఆయా భాషలకు చెందిన డబ్బింగ్ పనులు కూడా వేగంగా జరుగుతున్నాయి. పూరీ జగన్నాథ్ డైరెక్షన్లో రూపొందిన ఈ చిత్రంలో కాజల్ కథానాయికగా నటించగా, తమన్ సంగీతం సమకూర్చాడు.